Banner Top

Жамият (3672)

«ЁШ ФЕРМЕР» КЎРИК-ТАНЛОВИНИНГ РЕСПУБЛИКА БОСҚИЧИ ҒОЛИБЛАРИ АНИҚЛАНДИ

Самарқандда Тадбиркорлар ва ишбилармонлар ҳаракати – Ўзбекистон Либерал-демократик партияси Сиёсий Кенгаши Ижроия қўмитаси ва Ўзбекистон Фермерлари кенгаши ҳамкорлигида “Ватанимиз тараққиёти учун барчамиз бирдек масъулмиз!” шиори остида “Ёш фермер” кўрик-танловининг якуний республика босқичи ташкил этилди. 

  • 1

Қаршида Абдулла Ориповга ҳайкал ўрнатилиб, музей очилади

Давлатимиз раҳбари Ўзбекистон халқ шоири, Ўзбекистон Қаҳрамони Абдулла Орипов ҳайкали, Абул-Муъийн Насафий зиёратгоҳи реконструкцияси лойиҳалари билан танишди. Бу ҳақда ЎзА хабар берди.

Абдулла Орипов ҳайкали Қарши шаҳридаги Ўзбекистон кўчасида бунёд этилади. Бу ёшлар учун фахр ва ғурур тимсоли, маънавий тарбия манбаи бўлиб хизмат қилади. 

Президентимиз ҳайкал лойиҳасини такомиллаштириш, бу ерда Абдулла Орипов номидаги мактаб ва унинг ижодига бағишланган музей ташкил этиш зарурлигини таъкидлади. 

Абул-Муъийн Насафий XI асрда яшаган, ислом маданияти ривожига улкан ҳисса қўшган алломалардан биридир. Буюк бобомизнинг илмий асарлари бугунги кун учун ҳам ғоят аҳамиятлидир. 

Давлатимиз раҳбари бу қадамжони кенг ва обод зиёратгоҳга айлантириш, зиёратчиларга зарур шароитлар яратиш, бу масканда кутубхона ташкил этиш, аллома асарларини таржима қилиб, халқимизга етказиш бўйича тавсиялар берди. 

  • 0

Туркманистон аёлларига 11 АҚШ доллари пул мукофоти берилади

Туркманистон Президенти Гурбангули Бердимухамедов 8 март -  Халқаро хотин-қизлар куни муносабати билан Туркманистон аёлларига 40 манатдан (11 АҚШ доллари) пул мукофоти бериш бўйича фармойиш чиқарди. Ушбу пул мукофоти давлат нафақасини олаётган аёллар, аспирантура, докторантура, клиник ординатурада ўқиётганлар, давлат хизмати академияси тингловчилари, талаба қизлар, мактаб ўқувчиларига берилади.

Шу билан бирга, Туркманистон Президенти «Эне Мяхри» (Она меҳри) фаҳрий унвонини жорий этиш тўғрисида фармон қабул қилди. 

Айтиш жоизки, аввалроқ, Туркманистон Президенти мамлакат аёллари учун 8 март байрами муносабати билан бир неча махсус қўшиқ тайёрлагани тўғрисида маълумотлар тарқалган.

  • 0
RSS