Banner Top

Муносабат (1188)

"Стоп Хам" энди Тошкентда

Тошкент ҳайдовчилари, афтидан, пойтахтдаги энг катта муаммолардан бири - белгиланмаган жойга автомобилни жойлаштириш масаласини ҳал қилишга киришган кўринишади.

Сўнги кунларда, ижтимоий тармоқларда юқоридаги ҳолат бўйича номаълум ташаббускор гуруҳлар томонидан белгиланмаган жойга жойлаштирилган автомобилларга махсус стикерларни жойлаштирилаётгани катта муҳокамага сабаб бўлмоқда. Автомобиль эгаларини одоб-аҳлоққа чақириш юзасидан юпиштирилаётган стикерларга "Голову включать мне лень, я паркуюсь, как олень" деб ёзилган.  

Айтиш жоизки, юқоридаги ҳолат Россияда кенг тарқалган бўлиб, ушбу ҳаракат "Стоп Хам" деб аталади.

  • 0

​ЭЛЕКТР ЭНЕРГИЯСИНИ ҲИСОБЛАШДАГИ ҚИНҒИРЛИКЛАР: ҚАЙ БИРИГА ИШОНАЙЛИК?

Ҳамма қатори мен ҳам истеъмолчиман. Тошкент шаҳрида яшайман. Электрон ҳисоблагичли электр энергиясидан фойдаланаман. Яъни токдан фойдаланганимиз ҳақидаги ҳар бир маълумот мобиль телефонимга СМС тарзида келиб туради ёки “Ўзбекэнерго” АЖ сайтидаги шахсий кабинетдан билиб олишим мумкин. Аслида шундай бўлиши керак. Алида ҳам шундайми?

Уйимизда умумий иситиш тизими эмас, балки алоҳида иситиш мосламаси уланган. У электр энергияси ва газга ишлаб, уйни иситади, иссиқ сув беради. Энди тасаввур қилиб кўринг, ток ўчиб қолса, уйимизда совуқ ҳукмини ўтказа бошлайди. Айниқса, ҳозирги қиш-қировли кунларда.

Ана шундай кунларнинг бирида ишдан қайтсам, уйда чироқ ўчган. Дарҳол 2100 қисқа рақамига СМС юбориб, қарзим бор-йўқлигини тешкирдим: 6693.40 сўм олдиндан тўловим бор экан, қарз эмас (1-суратга қаранг).

1-сурат
 alt

Дарҳол навбатчи операторга телефон қилдим (230-03-17), жуда кўп уринишлардан сўнг бир рус йигит гўшакни олди. Муаммони айтдим, сабабини сўрадим. Унинг айтишича, 2000 сўм қарзим бор экан. Ҳайрон бўлдим, вазиятни тушунтирдим, СМС хабарни айтдим. У инкор этди. “Майли, унда чироқ ёқинг, интернет орқали тўлавораман шу 2000 сўмни, уй совуқ, болам касал, энди тузаляпти”, деб тушунтирдим. Ўрис тушунмади, аввал тўланг, кейин ёқаман, деди-да, гўшакни қўйди. Ўляпсанми, қоляпсанми, иши йўқ. Пейнет орқали тўловни амалга ошириб, бир нима қилиб чироқни ёқиб олдим.

Лекин энди ўзим қизиқиб қолдим: нима учун кўрсаткичлар ҳар хил? Ўша пайт 5000 сўм ташлагандим, дарҳол яна СМСни текширдим: аввалига 34 231.40 сўмни кўрсатди. Ишонмасдан қайта текширдим: бу гал ҳам натижа бир хил (2-суратдан кўришингиз мумкин, шундаям киловатт кўрсатилмаган).

2-сурат
alt

Кейин “Ўзбекэнерго” АЖ сайтидаги шахсий кабинетимга кирдим. У ерда ҳам кўрсаткичлар умуман бир-бирига тўғри келмади. Ҳисоблагичнинг охирги кўрсаткичи: 1364 кВ., 10 929 сўм олдиндан тўловим турибди (3-суратга қаранг). Суратдаги ҳолатга ишонсак, кеча 5000 сўм ташлаганимда ҳисобимда 31 905.40 сўм бор экан, сўнг, табиийки, 36.905.40 сўм бўлди. Эртаси куни эса деярли учдан бири қолган. Кечаги оператор эса 2000 сўм қарздорлигимни айтганди.

3-сурат
alt


Дарҳол подьездга чиқиб, электр ҳисоблагичга қарадим: 1428.66 кВ.ни кўрсатди (4-суратга қаранг). Ажабо! Қайси бирига ишониш керак? СМС-хабаргами, “Ўзбекэнерго” АЖ сайтигами, ҳисоблагичимгами ёки навбатчи операторгами?

4-сурат
alt

Шу саволларга жавоб олиш мақсадида “Ўзбекэнерго” АЖ ишонч телефонига сим қоқдим: 202-50-01, афсуски, сигналдан кейин хабар қолдириш мумкин, деди. Бирорта мутахассис билан боғланиш имконсиз экан. Call-center рақамларига қўнғироқ қилдим: 202-50-55, афсуски, уланиб бўлмади. Навбатчи операторга тердим, шанба куни ишламаса керак, гўшакни ҳеч ким кўтармади.

Ушбу муаммони ҳал этишда мутасадди ташкилотлардан муносиб изоҳ ва жавоб кутиб қоламиз. Айтганча, бир таклиф бор. Электр энергиясини электрон ҳисоблашни жойига қўйиб олгач, кимнингдир қарзи бўлса, олдиндан, камида 1-2 кун аввал СМС-хабарнома билан огоҳлантириш керак. Қарздор одам тайёргарлигини кўради, қарзини тўлайди. Ҳаммада ҳам умумий иситиш тизими эмас, шуни ҳисобга олинглар.
 
Бобур Жалолов,
журналист
  • 0

Шотландия парламенти Хожали геноцидини тан олди

  Озарбайжон парламенти делегацияси аъзоларининг Шотландияга ташрифи чоғида миллий парламент вакиллари билан бир қатор учрашувлар ўтказилди, парламент  раиси ва фракциялар раҳбарлари билан амалий учрашувлар давомида икки  томонлама муносабатларни янада ривожлантириш масалалари муҳокама қилинди.  

  • 0

Хизматдан қайтган аскарларга китоблар совға қилинди ва бўш ишчи ўринлари таклиф этилди

  Қамчиқ довонидан тунел очиб ундан темир йўл ўтказилиши водий вилоятларини пойтахт ва мамлакатнинг барча худудлари билан боғланиш имкониятини янада мустахкамлади. Қўқон, Марғилон, Андижон, ва Поп темир йўл вокзаллари барча шарт-шароитлар яратилган инфратузилмага эга бўлди. Бугун эса Марғилон вокзали ўзгача файзли эди. Бу ерга юрт оқсоқоллари, ватан химоячилари сафидан ўрин оламан деган ёш йигитлар, санъаткорлар ва вилоят жамоатчилиги йиғилди.

  • 0

“Хот ланч”га яширилган 787 қути сигарет воқеаси

  Амалдаги тартибларга мувофиқ, божхона чегараларини кесиб ўтаётган жисмоний шахслар ўзлари билан олиб ўтаётган товарлар ҳақида йўловчи божхона декларациясида ва божхона ходимининг оғзаки сўровлари пайтида маълум қилишлари шарт. Бу талаб тамаки маҳсулотларига ҳам бирдек тааллуқли. Аммо, айрим шахслар томонидан Ўзбекистон Республикасидан тамаки маҳсулотларини яширин равишда олиб чиқишга бўлган уринишлар кўзга ташланмоқда.

  • 0
RSS