Banner Top

Хоразм вилояти драма театрида Ўзбекистон ва Туркманистон санъат усталари иштирокида концерт бўлиб ўтди

  Хоразм вилояти драма театрида Ўзбекистон ва Туркманистон санъат усталари иштирокида концерт бўлиб ўтди. Тадбирда Президент Шавкат Мирзиёев ва Президент Гурбангули Бердимуҳамедов иштирок этди.

  Бу ҳақда Президент Матбуот хизмати хабар бермоқда. Ўзбекистон билан Туркманистон ўртасидаги маданий-гуманитар алоқалар изчил ривожланиб бормоқда. Икки мамлакат вакиллари ҳамкорликда концертлар, фестиваллар, кўргазмалар ташкил этмоқда, турли танлов ва мусобақаларда қатнашмоқда.  2016 йил ноябрда мамлакатимизда Туркманистон маданияти кунлари, 2017 йил ноябрда эса Туркманистонда Ўзбекистон маданияти кунлари ўтказилди.

  Юртимизда туркман миллий маданият марказлари, қўшни мамлакатда ўзбек миллий маданият марказлари ташкил этилган. Ўзбеклар ва туркманларнинг ўз тили, маданиятини бойитиши учун барча шароит яратилган.

  Концертда ўзбек ва туркман тилида куй-қўшиқлар ижро этилди. Бу халқларимизнинг азалий қардошлиги, маданий яқинлигини яна бир бор намоён этди, икки мамлакатнинг мумтоз ва замонавий санъати билан кенг танишиш учун қулай имконият бўлди.

  Шунинг билан Туркманистон Президенти Гурбангули Бердимуҳамедовнинг мамлакатимизга икки кунлик давлат ташрифи ниҳоясига етди.

 

Оставить комментарий

Убедитесь, что вы вводите (*) необходимую информацию, где нужно
HTML-коды запрещены